उद्दिष्ट :

अनुसूचित जाती व नवबौध्द (महाराष्ट्रातील अनुसूचित जातीतील बौध्द धर्मांतरीत) घटकांतील मान्यवर व्यक्तिंचे स्मारक बांधणे तसेच सांस्कृतिक व ऐतिहासिक दृष्टया महत्व असलेल्या स्थळांचा विकास करणे. 

स्वरुप :

अनुसूचित जाती व नवबौध्द घटकांच्या हक्कासाठी कार्य करणाऱ्या मान्यवर व्यक्तिंशी निगडीत स्थळे तसेच सांस्कृतिक व ऐतिहासिक दृष्टया महत्व असलेल्या स्थळांचा विकास करणे, त्याचप्रमाणे सांस्कृतिक व नितिमूल्यांवर आधरित विकास साधण्यासाठी पायाभूत सुविधा उपलब्ध करुन देणाऱ्या स्वयंसेवी संस्थांना अनुदान उपलब्ध करुन देणे.

स्वयंसेवी संस्था निवडीचे निकष व निवड प्रक्रिया कार्यपध्दती

1. संबंधित स्वयंसेवी संस्था धर्मादास कायदा किंवा कंपनी कायदा (कलम-25) किंवा सोसायटी रजिस्ट्रेशन ॲक्ट खाली नोंदणीकृत असणे बंधनकारक राहील.
2. संबंधित स्वयंसेवी संस्थेचे सार्वजनिक क्षेत्रातील काम कमीत कमी तीन वर्षे असणे बंधनकारक राहील.
3. संबंधित स्वयंसेवी संस्थेने मागील तीन वर्षाचा नियंत्रक व महालेखापरिक्षक, भारत सरकार यांच्या पॅनलवरील सनदी लेखापालाकडून केलेला लेखापरिक्षण अहवाल प्रस्तावासोबत सादर करणे अनिवार्य राहील.
4. भविष्यात प्रकल्पाची दुरुस्ती व देखाभालीसाठी संबंधित स्वयंसेवी संस्था आर्थिक दृष्टया सक्षम असल्याचे बंधपत्र संबंधित संस्थेने प्रस्तावासोबत सादर करणे बंधनकारक आहे.
5. अनुसूचित जाती व नवबौध्द घटकातील महापुरुषांच्या ऐतिहासिक कार्याशी संबंध असलेल्या स्वयंसेवी संस्थेचे सामाजिक कार्य, दर्जा व प्रगती विचारात घेवून अशा स्वयंसेवी संस्थेची विशेष बाब म्हणून स्वेच्छाधिकाराने निवड करण्याचे अधिकार निवड समितीस राहतील.
6. स्वयंसेवी संस्थेतील दोन पेक्षा जास्त विश्वस्त एकाच कुटूंबातील/रक्त नाते संबंधातील नसावेत. याबाबतचे शपथपत्र संबंधितांकडून घेण्यात यावे.
7. मंजूर प्रकल्पाचा लाभ जास्तीत जास्त अनुसूचित जाती व नवबौध्द घटकांतील व्यक्तिंनाच होईल याची खात्री संबंधित जिल्हयाचे सहाय्यक आयुक्त, समाज कल्याण यांनी करावी.
8. संस्थेचे सर्व पदाधिकारी व सदस्य अनुसूचित जाती किंवा नवबौध्द प्रवर्गातीलच असणे अनिवार्य राहील.
9. परराज्यातील प्रकल्पांना या योजनेअंतर्गत मंजूरी देता येणार नाही.
10. महाराष्ट्रातील फक्त अनुसूचित जाती व अनुसूचित जातीतून धर्मांतरीत नवबौध्द या योजनेसाठी पात्र राहतील. महाराष्ट्रातील इतर जाती व प्रवर्गातून बौध्द धर्मांतरीत व्यक्ती मार्फत चालविण्यात येणाऱ्या स्वयंसेवी संस्था सदर योजनेसाठी अपात्र राहतील.
11. संबंधित संस्थेचे पदाधिकारी व सदस्य भविष्यात कधीही बिगर अनुसूचित जातीचे असणार नाहीत व प्रकल्पाचा जास्तीत जास्त लाभ हा अनुसूचित जातीतील व्यक्तींनाच होईल याबाबत संस्थेचे अध्यक्ष व सचिव यांचे संयुक्त शपथपत्र बंधनकारक राहील.
12. संबंधित संस्थेच्या सर्व सदस्यांना जातप्रमाण पत्र व जात वैधता प्रमाणपत्र बंधनकारक राहील.

संपर्क :

सहाय्यक आयुक्त, समाज कल्याण, नागपूर